У пастарунак патрапілі актывіст ініцыятыўнай групы Алесь Карніенка, які надоечы прыехаў у Наваполацак з Гомелю, ды навапалачанін Аляксей Лукашэвіч. На абодвух былі складзеныя пратаколы: спадары Карніенка ды Лукашэвіч абвінавачваюцца ў парушэньні артыкулу 167-га Кодэксу аб адміністрацыйных правапарушэньнях – самаўпраўства.
Ну а пачалося грамадзкае галасаваньне аб 11-й гадзіне раніцы, прычым адразу ў некалькіх гарадзкіх раёнах. Гаворыць адзін з каардынатараў:
“Мы распачалі акцыю высьвятленьня меркаваньня навапалачанаў наконт трэцяга прэзыдэнцкага тэрміну. Зараз працуюць тры перасоўныя групы са скрынямі; раздаем людзям бюлетэні, у якіх толькі адно пытаньне: “Ці згодныя вы з тым, каб адна і тая ж асоба займала прэзыдэнцкую пасаду больш, чым два разы?” Людзі адзначаюць – “так”, ці “не”, і апускаюць лісток у скрыню”.
Нягледзячы на затрыманьне адной з груп, астатнія зьбіраюцца працаваць да самага вечару, аднак, з прычыны магчымых новых затрыманьняў і канфіскацыяў апытальных лістоў, а 13-е гадзіне, у прысутнасьці журналістаў, была ўскрытая адна са скрыняў. У ёй было 275 бюлетэняў, прычым “так” трэцяму тэрміну сказалі 38 навапалачанаў, астатнія, а гэта больш як 86 адсоткаў, выказаліся супраць трэцяга прэзыдэнцкага тэрміну.
Вінцэсь Мудроў
Источник: <NOINDEX><a href=http://svaboda.org target=_blank><font color=#0000FF>"Радыё Свабода"</font></a></NOINDEX>
Похожие страницы :
| • У Наваполацку вырашылі пагаладаць 10 дзён |
| • Вулiцы i прыпынкi НАВАПОЛАЦКУ - па-беларуску |