Сёлетняя пілігрымка – дзясятая па ліку, і ў ёй бралі ўдзел больш як 130 вернікаў практычна з усіх куткоў Беларусі. У асноўным гэта была моладзь. На апошнім этапе да беларускіх пілігрымаў далучыўся таксама гурт адзінаверцаў з Украіны.
Пакутніцкай сьмерць манахаў-базыльянаў надарылася ў 1705 годзе. Тады, падчас Паўночнае вайны, Полацак наведаў расейскі цар Пётар І. Завітаўшы аднойчы ў Сафійскі сабор, усходні валадар убачыў абраз сьвятога Язахвата Кунцэвіча, спытаўся: “Хто такі?”, а дачуўшыся, што гэта пакутнік, якога пазбавілі жыцьця віцебскія схізматыкі, накінуўся з шабляй на манахаў. Цар, разам са сваімі служкамі, забіў непасрэдна ў царкоўных мурах пяцёх манахаў. У памяць аб бязьвінна забітых і ладзяцца штогадовыя пілігрымкі.
Трэба адзначыць, што сёлета, другі год запар, удзельнікі пілігрымкі мелі магчымасьць адправіць кароткае набажэнства непасрэдна ў мурох Сьвятой Сафіі. Пасьля яе сканчэньня ў саборы гучалі духовыя сьпевы ў выкананьні пілігрымаў з Украіны: хора братоў грэка-каталіцкай Сьвята-Усьпенскай ляўры.
Вінцэсь Мудроў
Источник: <NOINDEX><a href=http://svaboda.org target=_blank><font color=#0000FF>"svaboda.org"</font></a></NOINDEX>
Похожие страницы :
| • Полацкія грэка-католікі |
| • Пілігрымка ў Полацак |