• Школка выходнага дня

Дата: 11 Октября 2004
Понедельник

<P align=justify><IMG src="http://epolotsk.com/images/skola.jpeg" align=left>У Наваполацку пачала працу дзіцячая школка выходнага дня, ініцыятарам стварэньня каторай сталі гісторыка-культурніцкі клюб “Княжыч” сумесна з адміністрацыяй наваполацкага цэнтру рамёстваў і нацыянальнай культуры. Па словах кіраўніка школкі Аляксея Кавалёва, у 2000-2001 гадах у горадзе ўжо ладзіліся падобныя заняткі. Практыка паказала, што бацькі й дзеці лічаць яе працу карыснай і неабходнай.
Як сьведчыць жыцьцё, беражлівыя адносіны да культуры й гісторыі сваёй зямлі зьяўляюцца залогам пасьпяховага разьвіцьця грамадзтва. У праграме школкі шмат увагі будзе надавацца гісторыі Беларусі. Таксама будуць выкладацца этнаграфія, традыцыйная культура Беларусі, рыторыка, грамадазнаўства. У другой палове навучальнага году прадметаў стане болей. Запланаваныя экскурсіі па гістарычных мясьцінах Беларусі.
Школка разьлічана на вучняў 6-11-х клясаў. Яна працуе абсалютна бясплатна. Праца школкі грунтуецца на дабраахвотнай ініцыятыве дарослых людзей, якія разумеюць што культура й адукацыя павінны стаць асноватворным чыньнікам разьвіцьця асобы. Асноўны акцэнт у школцы робіцца на тыя дысцыпліны й тэмы, што не ўвайшлі ў школьную праграму.

Уладзя Касаровец

Похожие страницы :

Нет похожих страниц.