• Дзяды ў Полацку

Дата: 03 Ноября 2004
Сpеда

<P align=justify><IMG src="http://epolotsk.com/images/dziady.jpeg" align=left>Традыцыйна на Дзяды ў Полацку людзі зьбіраюцца ля Крыжа памяці ахвярам сталінскага генацыду, які быў усталяваны ў 1992 годзе побач з могілкамі ў Бельчыцах. Згодна сьведчаньнямі відавочцаў, у 30-я гады ў гэтым месцы
адбываліся расстрэлы вязьняў полацкай турмы НКВД.

Акцыя памяці пачалася а 18-ай гадзіне. Вакол Крыжа панавала цемра, таму надзвычаў урачыста глядзеліся людзі са сьвечкамі ў руках. Паніхіду па памерлых адслужыў грэка-каталіцкі сьвятар айцец Лявонці. Пасля памінальнай службы выступілі полацкі краязнаўца Міхась Баўтовіч, паэт Алесь Аркуш і айцец Уладзімер Ладзік. Баўтовіч прачытаў верш Алеся Смаленца, прысьвечаны
памяці ахвярам масавых рэпрэсіяў. Алесь Аркуш казаў аб тым, што ў дэмакратычнай Беларусі падобныя Дні памяці будуць праходзіць на дзяржаўным узроўні. Айцец Уладзімер у сваёй міні-пропаведзі сказаў, што на жаль наша грамадзтва, у тым ліку і царква, яшче не пакаялася аб учыненым у тыя страшныя гады гвалце і злачынстве, таму гэты грэх па-ранейшаму гняце душы. Скончылася акцыя памяці выкананьнем гімну на словы Натальлі Арсеньневай.

Тамаш Гурба

Похожие страницы :

Нет похожих страниц.