22 сьнежня ў Полацкім музэі беларускага кнігадрукаваньня адбылася прэзэнтацыя альбому „Полацак музэйны”, які пабачыў сьвет у менскім выдавецтве „Беларусь”. Кніга распавядае пра 11 музэяў гораду. У мерапрыемстве ўзяў удзел дырэктар выдавецтва „Беларусь” Аляксандар Сталяроў.
Ідэя выданьня альбому належыць дырэктару Полацкага гісторыка-культурнага музэя-запаведніка, Мікалаю Ільніцкаму, які нядаўна пайшоў з жыцьця. Ён таксама паспрыяў у адшуканьні сродкаў на рэалізацыю праекту.
У кнізе, у прыватнасці, зьмешчаны матэрыялы пра Полацкую мастацкую галерэю, якая адкрылася ў 2002 годзе ў адным з карпусоў былой езуіцкай акадэміі. Полацкім музэйшчыкам удалося сабраць багатую калекцыю сучаснага выяўленчага мастацтва, а таксама збор іконаў полацкай школы.
Сталяроў у сваім выступе распавёў пра тое, што выдавецтва „Беларусь” мяркуе выдаць яшчэ некалькі кнігаў пра Полацк.
Паводле інфармацыі “Радыё Рацыя”
Похожие страницы :
| • Пілігрымка ў Полацак |
| • Беларусь вернулась к идее приватизации НПЗ |
| Дэндра Андрей. Беларусь и её древняя столица Полоцк |
| БЕЛАРУСЬ И ЕЁ ДРЕВНЯЯ СТОЛИЦА ПОЛОЦК. Дэндра Андрей |