На конкурсе былі прадстаўленыя працы трынаццаці скульптараў. Лепшымі прызналі творы Аляксандра Прохарава, Сяргея Бандарэнкі і Алеся Шатэрніка. Усе тры мадэлі выяўляюць князя Ўсяслава на кані. Аднак, паводле адмыслоўцаў, Сяргей Бандарэнка выявіў князя на пародным скакуне, якіх не было ў ХІІ стагодзьдзі, а ў Алеся Шатэрніка князь Усяслаў атрымаўся надта сумным і пазбаўленым княскай велічы.
Вырашальнай пры вызначэньні пераможцы стала думка вядомых скульптараў Юр’я Градава й Аляксандра Фінскага. Аднак і да працы Аляксандра Прохарава выказалі шэраг заўваг — як мастацкага, так і гістарычнага пляну, і скульптар павінен улічыць іх. Канчатковы варыянт Аляксандар Прохараў мусіць падаць да 20 траўня.
Радыё Свабода
Похожие страницы :
| Развіццё праекту "БЭЛА ДЗВІНА" |
| В Полоцке будет установлен памятник князю Всеславу Чародею |
| Пісьменства па археалагічных помніках Полацка 10-13 ст. |
| Аднаўленне помніка героям вайны 1812 г. у Полацку |