Да юбілею вайны 1812 года

Дата: 22 Июля 2009
Сpеда

З бюджэту Саюзнай дзяржавы выдзелена значная сума грошай на аднаўленне помніка героям вайны 1812 года. Праца ідзе хуткімі тэмпамі ў некалькіх накірунках. На плошчы Свабоды вядуцца археалагічныя раскопкі. Адначасова група скульптараў - Аляксандр Дранец, Валерый Гліннік і Леў Аганаў - займаецца стварэннем эскізнага праекта помніка, які павінен быць зацверджаны на Рэспубліканскім экспертным савеце. Адліўку плануецца пачаць у верасні. Дэталі з чыгуну будуць вырабляцца на прадпрыемстве "Тэхналіт Полацк", з каляровых металаў - на Мінскім скульптурным камбінаце. Таксама ў верасні запланавана завяршыць земляныя работы па заліўцы фундамента. Над праектам архітэктурнага вырашэння і добраўпарадкавання тэрыторыі вакол помніка працуе ТДА "Мастак-сервіс" (кіраўнік Ігар Рудэня).
Праект ствараецца з улікам неабходнасці захаваць ужо існуючыя помнікі. Застануцца на месцы і помнік Вызваліцелям Полацка, і іх пахаванне. У выніку ў цэнтры Полацка размесціцца комплекс, які аб'яднае помнікі героям вайны 1812 года і Вялікай Айчыннай вайны.
Распачата работа над выданнем кнігі пра аднаўленне помніка героям вайны 1812 года ў серыі "Наследие Полоцкой земли". Абмяркоўваецца пытанне пра стварэнне галаграфічнага відарысу Мікалаеўскага сабора. Усе работы па ўзнаўленню помніка героям вайны 1812 года плануецца завяршыць да канца гэтага года.

Аляксандр ЗАМКОЎСКІ
Полацкі веснік

Похожие страницы :

Адкрыццё помніка героям вайны 1812 года прызначана на 21 мая

Аднаўленне помніка героям вайны 1812 г. у Полацку

В Полоцке восстановлен памятник героям войны 1812 года

Ірэна Кадульская. Формы тэатральнага жыцця ў Полацкай Акадэміі (1812—1820)