Татьяна КОЗИК (Полоцк) | ПОЛОЦК Погода ПГУ Расписание

Нарадзілася 11 студзеня 1962 году ў г.п. Хоцімску Магілёўскай вобласьці. Скончыла Рэспубліканскую школу-інтэрнат па выяўленчаму мастацтву і музыцы імя Івана Ахрэмчыка (1980 г.), Віцебскі тэхналягічны інстытут лёгкай прымысловасьці (1988 г.) аддзяленьне "мастацкае аздабленьне і мадэляваньне вырабаў тэкстыльнай і лёгкай прымысловасьці". Навучалася ў Л.Скрыпнічэнка, С.Статкоўскай, А.Філіпенкі. Працуе ў галіне дэкаратыўна-ўжытковага мастацтва (габэлен, батык) і акварэлі. Удзельніца міжнародных, рэспубліканскіх, абласных, гарадзкіх мастацкіх выставаў. Самы вялікі габэлен мастачкі "Крылы ператворацца ў карэньні" (1,5 х 6 м) упрыгожвае офіс наваполацкага аддзяленьня Белпрамбудбанку. Працы мастачкі знаходзяцца ў калекцыях Віцебскага мастацкага музэя, Нацыянальнага полацкага гісторыка-культурнага музэя-запаведніка, Музэя гісторыі і культуры горада Наваполацка, прыватных зборах. Жыве ў Полацку.