Хронология истории Полоцка: XIV-XVII века | ПОЛОЦК Погода ПГУ Расписание

Храналогія гісторыі Полацка: XIV-XVII cт.

1307	Уваходжанне Полацкага княства ў склад Вялікага княства Літоўскага на правах аўтаноміі паводле дагавора/ \"ряда\"/
1320	Уваходжанне Віцебскага княства ў склад Вялікага княства Літоўскага на правах аўтаноміі
1324/двойчы/, 1325	Паходы крыжакоў Лівонскага ордэна на Полацк і Полацкую зямлю
1325/?/-1342	Княжанне ў Полацку Воіна/ хрысціянскае імя Васіль, сын Гердзеня Давыдавіча; паводле сцвярджэння некаторых гісторыкаў, брат вялікіх князёў Гедзіміна і Віценя/
1330	Полацкія князі пачалі карыстацца пячаткай з гербам \"Пагоня\"
1330	Гандлёвы дагавор Полацка з Рыгай
1333,1334, 1343	Паходы крыжакоў Лівонскага ордэна на Полацк і Полацкую зямлю
1342	Полацкі князь Воін паслаў на дапамогу Пскову, асаджанаму нямецкімі рыцарамі, атрад палачан на чале са сваім сынам Любкам/ загінуў у баі з крыжакамі/
1366,1374, 1375	Паходы крыжакоў Лівонскага ордэна на Полацк і Полацкую зямлю
1373-1375	Асада войскамі полацкага князя Андрэя Альгердавіча/ Андрэя Полацкага/ крыжацкай крэпасці Дынабург/ цяпер Даўгапілс, Латвія/
1377	Жыхары Пскова прынялі на княжанне Андрэя Полацкага/ сын вялікага князя Альгерда/
1377	Паход крыжакоў Лівонскага ордэна на Полацк і Полацкую зямлю
1380	Княжанне ў Полацку Скіргайлы/ Івана/ Альгердавіча
1382	Паход крыжакоў Лівонскага ордэна на Полацк і Полацкую зямлю
1382	У \"Хроніцы Польшчы\" Полацк названы крэпасцю Белай Русі
1386	Паход крыжакоў Лівонскага ордэна на Полацк і Полацкую зямлю
1386	Выступленне Полацкага князя Андрэя Альгердавіча /Андрэя Полацкага/ супраць Крэўскай уніі і князя Ягайлы
1393, 1396	Аблогі горада Віцебска войскамі вялікага князя Вітаўта, якому процістаяў князь Свідрыгайла, прэтэндуючы на вялікакняжацкі прастол; Свідрыгайлу падтрымлівалі праваслаўныя князі і баяры ўсходніх зямель
1399, 1405, 1406, 1407	Гандлёвыя дагаворы Полацка з Рыгай
1410 г., 15 ліпеня	Удзел харугвы Полацка ў Грунвальдскай бітве
1413	Наведанне Віцебска Еранімам Пражскім/ паплечнік Яна Гуса/ з мэтай прапаганды гусіцкага вучэння і пратэстанцкага веравызнання
1430-1432 г., верасень	Княжанне ў Вялікім княстве Літоўскім Свідрыгайлы, які парваў унію з Польшчай
1432	Выступленне праваслаўных радоў ВКЛ пад кіраўніцтвам скінутага з велікакняжацкага трона Свідрыгайлы за пашырэнне сваіх палітычных і эканамічных правоў; барацьба вялася да 1439 г.
1435, 1436	Аблогі Віцебска і Полацка вялікім князем Жыгімонтам Кейстутавічам, якому процістаяў Свідрыгайла
1488	У Полацку заснаваны кляштар манаскага ордэна бернардзінцаў- адзін з першых у Беларусі
Каля 1490- каля 1551 гг.	Жыццё і дзейнасць Францыска Скарыны- беларускага асветніка, заснавальніка беларускага і ўсходнеславянскага кнігадрукавання
1498	Наданне Полацку самакіравання паводле магдэбургскага права
1500-1503	Вайна Вялікага княства Маскоўскага супраць Вялікага княства Літоўскага; маскоўскія войскі спустошылі землі Смаленска, Оршы, Мсціслава, Полацка, Віцебска і інш.
1504	Утварэнне Полацкага ваяводства
1506	Рэйды крымскіх татарскіх загонаў на гарады Брагін, Мазыр, Клецк, Ашмяны, Ваўкавыск, Друцк, Віцебск і Полацк
1506, 1507, 1508, 1512	Паходы рускіх войск і аблогі Полацка; у 1512 г. горад спалены
1508	Набегі крымскіх татараў на Полаччыну
1514 г., 8 верасня	Аршанская бітва- паражэнне 80-тысячнага войска маскоўскіх ваявод на рацэ Крапіўна; 30-тысячнае беларуска-літоўскае войска ўзначаліваў гетман Канстанцін Астрожскі.
1515	Новы паход маскоўскіх войскаў на Полацк, Віцебск і Мсціслаў
1517 г., 6 жніўня	Пачатак выдавецкай дзейнасці Францыска Скарыны ў Празе; да 1519 г. выдадзены 23 кнігі Бібліі
1518, лета	Паход маскоўскіх войск у Падняпроўе і Падзвінне, аблога імі Полацка; пад Полацкам расійскае войска разбіта
1522	Стварэнне Францыскам Скарынам друкарні ў Вільні- першай на тэрыторыі Усходняй Еўропы; выданне ім \"Малой падарожнай кнігі\"
1534-1537	Вайна Вялікага княства Маскоўскага з Вялікім княствам Літоўскім
1535	Аблогі і спусташэнні расейскімі войскамі беларускіх гарадоў, у тым ліку Полацка
Каля 1540- каля 1604	Жыццё і дзейнасць Васіля Цяпінскага/ радавое прозвішча Амельяновіч/- беларускага гуманіста, кнігавыдаўца, радыкальнага дзеяча рэфармацыі
1563	Пабудова замкаў у вёсках Малое Сітна, Туроўля
1563	Аблога/ з канца студзеня/, штурм і ўзяцце/ 15 лютага/ войскамі Івана IV Жахлівага Полацка ў час Лівонскай вайны/1558-1583/
1579 г., 4-30 жніўня	Вызваленне Полацка ад рускіх войск
1580/?/	Выданне беларускамоўнага \"Евангелля\"; яго пераклаў на беларускую мову, напісаў прадмову і выдаў у друкарні, заснаванай у сваім радавым маёнтку Цяпіна, Васіль Цяпінскі
1581	Заснаванне ў Полацку езуіцкага калегіума/ сярэдняй навучальнай установы класічнага тыпу/; у 1812 г. пераўтвораны ў акадэмію- першую вышэйшую навучальную ўстанову на тэрыторыі сучаснай Беларусі; пры калегіуме заснавана полацкая друкарня
1582, 15 студзеня	Перамір'е на 10 гадоў паміж Расіяй і Рэччу Паспалітай, заключанае ў г. Ям-Запольскім/ падпісана расійскім царом Фёдарам Іаанавічам і канцлерам Вялікага княства Літоўскага Львом Сапегам/. Паводле перамір'я Расія адмаўлялася ад Лівоніі, Полацка, Невеля і Веліжа
1623 г., 12 лістапада	Бунт гараджан Віцебска супраць Брэсцкай царкоўнай уніі, у выніку якога забіты уніяцкі архіепіскап Іасафат кунцэвіч/ прылічаны уніяцкай царквой да святых Беларусі/
1629-1680 г., 25 жніўня	Жыццё і дзейнасць Сімяона Полацкага- усходнеславянскага грамадзкага і царкоўнага дзеяча, пісьменьніка, публіцыста і педагога
1633 г., 11-13 чэрвеня	Няўдалая аблога рускімі войскамі Полацка пад час Смаленскай вайны/1632-1634/
1654 г., вясна- 1667	Вайна Расіі з Рэччу Паспалітай
1654 г., лета	Расійская армія на чале з В.П. Шарамецевым заняла на поўначы Беларусі Полацк, Невель, Дзісну, Усвят
1656-1664	Дзейнасць Сімяона Полацкага ў Полацкай брацкай школе
1681	Выступленні праваслаўных жыхароў Полацка супраць уніяцкага мітрапаліта Жахоўскага
1700-1721	Паўночная вайна Расіі і Рэчы Паспалітай супраць Швецыі
XVII ст.	У Полацку складзены зборнік беларускай музыкі 16-17 ст. \"Полацкі сшытак\"

Похожие страницы :

Хронология истории Полоцка: V-XIII века

История Полоцка (XVII-XVIII века)

Хронология истории Полоцка XVIII-XIX вв.

Хронология истории Полоцка 1946-1985 годы