Навучальная ўстанова ордэна у Полацку 1822-1830 гг. створана на базе пераведзенага сюды Віцебскага піярскага вучылішча паводле імператарскага указа ад 16( 28 ).08.1822.
Размяшчалася ў будынках скасаванай Полацкай езуітскай акадэміі. Згодна са статутам падзялялася на прыходскае вучылішча, 4-класнае павятовае вучылішча 3-гадовыя "курсы вышэйшых навук".
Ад Полацкай езуітскай акадэміі вучылішчу перайшлі бібліятэка (больш за 24 тысячы тамоў), мінералагічны кабінеты, музей, друкарня. Выкладанне вялося на польскай мове.
У 1823 г. былі рэктар, прэфект, 13 выкладчыкаў (большасць з іх скончыла Віленскі універсітэт). Каб стварыць асветніцкі цэнтр, падобны да універсітэцкага, была значна пашырана навучальная праграма ўведзены лекцыі замест звычайных урокаў. У павятовым вучылішчы выкладаліся: закон Божы, польская, лацінская, французская, нямецкая мовы, геаграфія, арыфметыка, асновы геаметрыі, прыродазнаўства, маляванне.
"Курсы вышэйшых навук" падзяляліся на літаратурныя i матэматычныя аддзяленні, дзе выкладаліся матэматыка, даследняя цывільнае права, лацінская, грэчаская, польская мовы, гісторыя, маляванне, музыка, фехтаванне, танцы. Пры вучылішчы існаваў iнтэрнат (канвікт) на 40 юнакоў.
Вучылішча мела трывалыя сувязі з Віленскім універсітэтам, у канцы 1822 г. лекцыі па гісторыі тут чытаў прафесар гэтага універсітэта I. Лялевель. У вучылішчы дзейнічала таварыства філаматаў (раскрыта паліцыяй у снежане 1823 г).
Папячыцель Віленскай навучальнай акругі князь А. Чартарыйскі меркаваў надаць вучылішчу афіцыяльны статус ліцэя, але ў 1824 г. усходняя Беларусь адышла да Пецярбургскай навучальнай акругі. У 1825-26 гг. па ініцыятыве візітара прафесара В. Сянкоўскага праведзена рэформа вучылішча: лекцыйная форма выкладання забаронена, у пачатковых класах выкладанне праводзілася на рускай мове, узмацніўся нагляд за выхаванцамі выкладчыкамі.
Пасля стварэння ў 1829 Беларускай навучальнай акругі ўлады пачалі працэс скасавання вучылішча. Летам 1830 г. вучылішча было закрыта, а піяры пераведзены Вільню.
Похожие страницы :
| Полацкае вышэйшае піярскае вучылішча |